نظرا لوجودي في كلية الطب بجامعة الازهر فرع اسيوط،
ونظرا لأني من ابناء القاهرة،
فكان لي الشرف ان امر بهذه التجربه اللذيذه،
تجربة السكن في المدينه الجامعية،
دعكم من كيف ومتى وصلت لها وكيف وجدتها،
سيأتي ذكر ذلك لاحقا، ان شاء ربي وربكم،
خلينا نجري شويه بالأيام،
كان نظام المدينه من ناحية الطعام، انها بتوفر لكل طالب 3وجبات
فطار وغداء وعشاء
وكان المشرفين المسؤلين عن كل مبنى بيعدوا الطلبه كل يوم الساعه 11 بالليل،
ويعرفوا المطعم بعدد الوجبات المطلوبه لليوم التالي،
فكان كل مشرف بيعمل حسابه في تلاتين او اربعين وجبه زياده
يفرق على اصحابه، وياخد البيت، وربنا يخلي سيدنا
وكذلك المطعم،
كان بعد ما المشرفين يبلغو بالعدد المطلوب _وفيه الزياده طبعا_
يقوم مزود هو كمان بتاع سبعين وجبه ولا حاجه
وكله من خير سيدنا
كان ايه اللي بيتم بقى؟
كانت المشكله الكبيرة في الغدا
الجدول كان كدا على مدار الاسبوع
يومين فراخ،وتلاته لحمه، واتنين بيض
وكان اكثر الايام رخامه
ايام الفراخ،
الفرخه بيقطعوها اربع تربع
يعني صدرين و وركين
وكل طالب ياخد ربع
وكان المتابع للموقف يلاحظ حاجات غريبه جدا
فعلا الصدر بيكون اكبر من الورك بشكل مخيف
حاجه لا تقارن
تحس ان الصدر صدر نعامه
والورك ورك كتكوت
فكان الطلبه بينزلو في ايام الفراخ بدري
ويرجعوا من الكليه جري على المطعم
عشان ياخدوا الصدور قبل ماتخلص
وكان عم عبد العاطي هو المسؤل عن تسليم ربع الفراخ للطلبه
سمعته كانت نيله خالص
كل الناس عارفه ان هو كان بيعين الصدور للعيال اللي بتظبطه
ولأصحابه وللمشرفين
وكم من المشادات والمناقشات حصلت
وخناقات والحرس ييجي
عشان خاطر عم عبد العاطي مش عايز يدي الواد الصدر
لحد ما مدير المطعم طلع قرار
ان الطلبه تقف طابور
وأول واحد ياخد صدر، والتاني ياخد ورك، وهكذا
ولكن كان لعم عبد العاطي حيله الماكره برضه
والتي سرعان ما اكتشفها الطلبه
كان بيحصل حاجه غريبه جدا
ان بعد اول عشرين طالب
تلاقيه بيقولك الصدور خلصت
ومافيش غير وراك
على اساس ان الفرحه باربع وراك وصدر واحد ;)
المهم الطلبه قررت انها تعمل حاجه
ومش تسكت على اللي بيحصل
اشتكوا
واعتصموا
وفي الاخر قرروا يعملوا مظاهرة
وجه مجموعة من الطلبه لمسؤول الاخوان في المدينه
وقالوله مش ينفع نسكت على اللي بيحصل
لازم نتحرك
لازم يكون في موقف
فسألهم ايه المطلوب؟
قالوله طلبة الاخوان ينظموا مظاهرة امام المطعم
يطالبو فيها
بان الطلبه تاخد مره صدر ومره ورك
الراجل قالهم كلام جميل
بس مش ينفع تكون دي مطالب مظاهرة
خصوصا لما يكون اللي منظمها طلبة الاخوان
قام واحد وقاله طب انتم عايزين ايه؟
رد عليه مسؤل الاخوان وقاله
احنا ممكن نعمل يوم كبير
نطالب فيه بتحسين احوال السكن في المدينه
والاهتمام بالنظافه
ووقف تدخل الحرس الجامعي في شؤن المساجد الداخليه بالمدينه
والاهتمام بالمطعم، ووقف جميع اعمال الفساد اللي فيه،
بما فيها، شراء الفراخ اللي بربع وراك وصدر واحد
وللأسف كان رد فعل الطلبه
لأ
لأ
لأ
احنا عايزين مظاهرة عشان عم عبد العاطي وصدر الفراخ بس
مش حاجه تانيه
الراجل حاول يفهمهم ان عيب تقوم مظاهره عشان ورك فراخ،
مع انه ينفع،
دا حقك وبتطالب بيه
لكن في حاجات تانيه اهم ودا هايكون معاها
الناس للأسف ركبت الدماغ الصعيدي
وقالك طلبة الاخوان بيتعاونوا مع الامن
طلبة الاخوان هم اللي بياخدوا الصدور بتاعت الفراخ :)))
وقاموا اعلنوا ان هم هايعملوا المظاهره تاني يوم
من غير لا اخوان ولا يحزنون
وفعلا في اليوم الموعود
وساعت الغدا لقينا الطلبه واقفين ادام المطعم
بيهتوفوا بحرقه وبأعلى صوت
مش هانسلم مش هانطاطي.........................هات الصدر ياعبد العاطي :)
ونظرا لأني من ابناء القاهرة،
فكان لي الشرف ان امر بهذه التجربه اللذيذه،
تجربة السكن في المدينه الجامعية،
دعكم من كيف ومتى وصلت لها وكيف وجدتها،
سيأتي ذكر ذلك لاحقا، ان شاء ربي وربكم،
خلينا نجري شويه بالأيام،
كان نظام المدينه من ناحية الطعام، انها بتوفر لكل طالب 3وجبات
فطار وغداء وعشاء
وكان المشرفين المسؤلين عن كل مبنى بيعدوا الطلبه كل يوم الساعه 11 بالليل،
ويعرفوا المطعم بعدد الوجبات المطلوبه لليوم التالي،
فكان كل مشرف بيعمل حسابه في تلاتين او اربعين وجبه زياده
يفرق على اصحابه، وياخد البيت، وربنا يخلي سيدنا
وكذلك المطعم،
كان بعد ما المشرفين يبلغو بالعدد المطلوب _وفيه الزياده طبعا_
يقوم مزود هو كمان بتاع سبعين وجبه ولا حاجه
وكله من خير سيدنا
كان ايه اللي بيتم بقى؟
كانت المشكله الكبيرة في الغدا
الجدول كان كدا على مدار الاسبوع
يومين فراخ،وتلاته لحمه، واتنين بيض
وكان اكثر الايام رخامه
ايام الفراخ،
الفرخه بيقطعوها اربع تربع
يعني صدرين و وركين
وكل طالب ياخد ربع
وكان المتابع للموقف يلاحظ حاجات غريبه جدا
فعلا الصدر بيكون اكبر من الورك بشكل مخيف
حاجه لا تقارن
تحس ان الصدر صدر نعامه
والورك ورك كتكوت
فكان الطلبه بينزلو في ايام الفراخ بدري
ويرجعوا من الكليه جري على المطعم
عشان ياخدوا الصدور قبل ماتخلص
وكان عم عبد العاطي هو المسؤل عن تسليم ربع الفراخ للطلبه
سمعته كانت نيله خالص
كل الناس عارفه ان هو كان بيعين الصدور للعيال اللي بتظبطه
ولأصحابه وللمشرفين
وكم من المشادات والمناقشات حصلت
وخناقات والحرس ييجي
عشان خاطر عم عبد العاطي مش عايز يدي الواد الصدر
لحد ما مدير المطعم طلع قرار
ان الطلبه تقف طابور
وأول واحد ياخد صدر، والتاني ياخد ورك، وهكذا
ولكن كان لعم عبد العاطي حيله الماكره برضه
والتي سرعان ما اكتشفها الطلبه
كان بيحصل حاجه غريبه جدا
ان بعد اول عشرين طالب
تلاقيه بيقولك الصدور خلصت
ومافيش غير وراك
على اساس ان الفرحه باربع وراك وصدر واحد ;)
المهم الطلبه قررت انها تعمل حاجه
ومش تسكت على اللي بيحصل
اشتكوا
واعتصموا
وفي الاخر قرروا يعملوا مظاهرة
وجه مجموعة من الطلبه لمسؤول الاخوان في المدينه
وقالوله مش ينفع نسكت على اللي بيحصل
لازم نتحرك
لازم يكون في موقف
فسألهم ايه المطلوب؟
قالوله طلبة الاخوان ينظموا مظاهرة امام المطعم
يطالبو فيها
بان الطلبه تاخد مره صدر ومره ورك
الراجل قالهم كلام جميل
بس مش ينفع تكون دي مطالب مظاهرة
خصوصا لما يكون اللي منظمها طلبة الاخوان
قام واحد وقاله طب انتم عايزين ايه؟
رد عليه مسؤل الاخوان وقاله
احنا ممكن نعمل يوم كبير
نطالب فيه بتحسين احوال السكن في المدينه
والاهتمام بالنظافه
ووقف تدخل الحرس الجامعي في شؤن المساجد الداخليه بالمدينه
والاهتمام بالمطعم، ووقف جميع اعمال الفساد اللي فيه،
بما فيها، شراء الفراخ اللي بربع وراك وصدر واحد
وللأسف كان رد فعل الطلبه
لأ
لأ
لأ
احنا عايزين مظاهرة عشان عم عبد العاطي وصدر الفراخ بس
مش حاجه تانيه
الراجل حاول يفهمهم ان عيب تقوم مظاهره عشان ورك فراخ،
مع انه ينفع،
دا حقك وبتطالب بيه
لكن في حاجات تانيه اهم ودا هايكون معاها
الناس للأسف ركبت الدماغ الصعيدي
وقالك طلبة الاخوان بيتعاونوا مع الامن
طلبة الاخوان هم اللي بياخدوا الصدور بتاعت الفراخ :)))
وقاموا اعلنوا ان هم هايعملوا المظاهره تاني يوم
من غير لا اخوان ولا يحزنون
وفعلا في اليوم الموعود
وساعت الغدا لقينا الطلبه واقفين ادام المطعم
بيهتوفوا بحرقه وبأعلى صوت
مش هانسلم مش هانطاطي.........................هات الصدر ياعبد العاطي :)
ليست هناك تعليقات:
إرسال تعليق