بسمك اللهم
انا بصراحه كان نفسي اعمل مدونه، من باب العلم بالشيء مش اكتر، يعني ايه حكاية المدونه وكدا؟
نفس موضوع الايميل، والفيس بوك، كانو برضه كدا، من باب العلم بالشيء، او حب الفضول، بس دلوقتي خلاص
وقعت الطوبه في المعطوبه، عندي المدونه ولازم ادون، وعندي اصدقاء على الفيس بوك ولازم اتعامل معاهم، وعندي ايميل لازم ارد على اللناس اللي بتكلمني عليه؛
كم هي لذيذه الحياه بدون فضول، اقصد اقول احنا اللي بنجيبه لنفسنا، اوعوا تفهموني غلط، انا اقدر كل الناس اللي بتواصل معاها عن طريق المراسله، وانا متأكد تماما ان في ناس اعتز بمعرفتهم واعتز برأيهم، وانا متأكد تماما ان انا لم و لن اكن لأعرفهم الا عن طريق النت والمراسله، لكن المقصود ان زي الفيس بوك والايميل والمدونه، في حاجات كتييييييييييييير ممكن تبقى حمل زياده علينا، للأسف احنا اللي بنجيبها لنفسنا،
على رأي المثل( القط بيحب خناقه) يعني مثلا احنا اللي بنلزم نفسنا بأموركتير ما حدش الزمنا بيها، ونرجع بعد كدا نشتكي ونلوم، احنا مثلا اللي بنوعد بحاجات كتير، واحنا عارفين ان احنا مش هانقدر نوفي ، او على الاقل لو وفينا بوعودنا اللي احنا وعدناها هانكون مضغوطين، ومع ذلك بنوعد، ونشيل اكتر من ما نستحمل، دي مش جدعنه ولا طموح، انا للأسف بسميه حماقه.
انا للأسف عندي مبدأ غريب جدا ( كل مشكله بيقع فيها الانسان.........هو السبب فيها ) يعني من الاخر، ما نلومش حد ولا نعتب على حد، عشان اكيد احنا السبب في اي حاجه بتحصلنا، ما فيش اصدق من كتاب الله الكريم (لا يكلف الله نفسا الا وسعها) وعشان كدا ، لما تحس انك مطغوط او عندك حمل كتير ، اعرف انك انت اللي زودت الحمل على نفسك، ارمي من عليك الحمل ، وانطلق
انطلق
انطلق يا باشا :)
انا بصراحه كان نفسي اعمل مدونه، من باب العلم بالشيء مش اكتر، يعني ايه حكاية المدونه وكدا؟
نفس موضوع الايميل، والفيس بوك، كانو برضه كدا، من باب العلم بالشيء، او حب الفضول، بس دلوقتي خلاص
وقعت الطوبه في المعطوبه، عندي المدونه ولازم ادون، وعندي اصدقاء على الفيس بوك ولازم اتعامل معاهم، وعندي ايميل لازم ارد على اللناس اللي بتكلمني عليه؛
كم هي لذيذه الحياه بدون فضول، اقصد اقول احنا اللي بنجيبه لنفسنا، اوعوا تفهموني غلط، انا اقدر كل الناس اللي بتواصل معاها عن طريق المراسله، وانا متأكد تماما ان في ناس اعتز بمعرفتهم واعتز برأيهم، وانا متأكد تماما ان انا لم و لن اكن لأعرفهم الا عن طريق النت والمراسله، لكن المقصود ان زي الفيس بوك والايميل والمدونه، في حاجات كتييييييييييييير ممكن تبقى حمل زياده علينا، للأسف احنا اللي بنجيبها لنفسنا،
على رأي المثل( القط بيحب خناقه) يعني مثلا احنا اللي بنلزم نفسنا بأموركتير ما حدش الزمنا بيها، ونرجع بعد كدا نشتكي ونلوم، احنا مثلا اللي بنوعد بحاجات كتير، واحنا عارفين ان احنا مش هانقدر نوفي ، او على الاقل لو وفينا بوعودنا اللي احنا وعدناها هانكون مضغوطين، ومع ذلك بنوعد، ونشيل اكتر من ما نستحمل، دي مش جدعنه ولا طموح، انا للأسف بسميه حماقه.
انا للأسف عندي مبدأ غريب جدا ( كل مشكله بيقع فيها الانسان.........هو السبب فيها ) يعني من الاخر، ما نلومش حد ولا نعتب على حد، عشان اكيد احنا السبب في اي حاجه بتحصلنا، ما فيش اصدق من كتاب الله الكريم (لا يكلف الله نفسا الا وسعها) وعشان كدا ، لما تحس انك مطغوط او عندك حمل كتير ، اعرف انك انت اللي زودت الحمل على نفسك، ارمي من عليك الحمل ، وانطلق
انطلق
انطلق يا باشا :)
هناك تعليقان (2):
سلام عليكم دكتور احمد
برغم ان المقال صغير بس بيحمل معااني كتيرة وعبجتني لانه لمسني
فعلا الانسان هو اللي بيأذي نفسه بنفسه وبيروح بعد كده يدور علي شماعة يعلق عليها اخطاءه
بس تعرف حتي لو الانسان مالهوش ذنب في اللي بيحصل هو برده هيرجع في الاخر ويقول الحمدلله علي قضاء ربنا
مازلت عند رايي
سر السعادة في هذه الحياة
"هو الرضا بقضاء الله عن يقين ان ربنا بيقدر الخير في جميع الاحوال"
تقبل تحياتي
وعليكم السلام ورحمة الله وبركاته اختي الكريمه
جزاكم الله خيرا على القرأة، لكن تقوليلي ان المقال لمسك ، يبقى كدا كتير علي، _مابحبش حد يلبسني العمه_ :)))
انا كنت اكتب للكتابه، لم اتخيل لحظه اني اتحدث عن احد غيري، او انطق بما يحسه احد غيري ، هاقولك ايه؟ روحي يا شيخه يارب تدخلي الفردوس :))
انا معاكي 100%، سر السعاده في الدنيا، هو الرضا بقضاء الله عن يقين، واضيف من فضلك، ان السعاده غاليه جدا، لذا من الصعب ان تتفهم الرضا وتمارسه !!
ولكن هناك من تفهمه ومارسه وعبر به الى غايته
اشكرك
إرسال تعليق